Mae'r sector cyhoeddus yn gyfrifol am reoli'r cyflenwad nwyddau a gwasanaethau i'r Llywodraeth ac oddi wrth y Llywodraeth.
Yng Nghymru'n unig mae yna dros 100 o sefydliadau sector cyhoeddus, tra bod y sector cyhoeddus ar draws y DU yn cyflogi dros 25% o'r gweithlu. Mae cyrff sector cyhoeddus Cymru yn cynnwys:
- adrannau ac asiantaethau'r llywodraeth ganolog
- y GIG a'u hymddiriedolaethau lleol
- y Weinyddiaeth Amddiffyn
- llywodraeth Cynulliad Cymru, Gweithrediaeth yr Alban a Chynulliad Gogledd Iwerddon
- Awdurdodau Lleol
- prifysgolion a cholegau
Mae Llywodraeth Cynulliad Cymru wedi ymrwymo i wella'r broses caffael ac mae'r holl gyrff sector cyhoeddus yng Nghymru yn cael eu hannog i ddefnyddio GwerthwchiGymru i dendro. O ganlyniad, mae tendrau sector cyhoeddus Cymru a enillwyd gan gwmnïau Cymru wedi codi'n ddramatig o 35% i 49% mewn dwy flynedd yn unig.
Cyflenwi'r sector cyhoeddus
Does dim ots pa wasanaethau neu nwyddau mae'ch busnes yn darparu, mwy na thebyg bydd yna farchnad ar eu cyfer o fewn y sector cyhoeddus. Gwelwch fod cyrff sector cyhoeddus yn gwneud cwsmeriaid ardderchog gan eu bod:
- yn gleientiaid sefydlog a well ganddynt berthnasau hirdymor
- yn onest yn y modd y maent yn gwneud busnes
- yn dalwyr dibynadwy, sydd fel arfer yn talu o fewn tymor 30 diwrnod
- ar hyn o bryd yn gwario dros £3 biliwn y flwyddyn ar nwyddau a gwasanaethau yng Nghymru
- yn gwneud penderfyniadau prynu yn seiliedig ar werth am arian, nid yn unig y gost isaf
Darganfyddwch sut i werthu i'r sector cyhoeddus.
